ՁԵՌԱԳՐԱՏՈՒՆ
(ավանդապահ՝ Գ. Տեր-Վարդանյան)

2006 թ. սպասարկման բաժին է տրվել 850 միավոր ձեռագիր և ձեռագրական նյութեր (308 ժապավեն)։
Նորոգման բաժին է տրվել 70 միավոր ձեռագիր։
Լուսանկարչական բաժին է տրվել՝ 1580 ձեռագիր։
Անհատ ընթերցողներին՝ մատենագիտության բաժնում և աշխատասենյակներում տրվել է 215 ձեռագիր։
Ձեռագրատան նախասենյակում ընթերցողներին է տրվել 206 ձեռագիր, իսկ անհատ ընթերցողներին լուսանկարման է տրվել 120 ձեռագիր։
2006 թ. ձեռագրական հավաքածուներն աճել են 22 միավորով.

Հմր.	Հավաքածու	Առ 31.12.2005	Առ 31.12.2006	Աճը 1 տարում
1.	Հայերեն հիմնական	11136	11148	12
2.	Հայերեն նոր	367	367	-
3.	Հայերեն պատառիկ	2113	2121	8
4.	Հայերեն հմայիլ	483	484	1
5.	Արաբատառ ձեռագրեր	2213	2214	1
6.	Արաբատառ պատառիկ	130	130	-
7.	Արաբատառ հմայիլ	54	54	-
8.	Այլալեզու ձեռագրեր	218+126=344	218+126=344	-
9.	Այլալեզու պատառիկ	141	141	-
10.	Անտիպ ձեռագրացուցակներ	177	177	-
	Ընդամենը	17158	17180	22

Նոր ստացված միավորները գրանցվել են մուտքի և գույքամատյանների մեջ, գրվել են Մայր քարտերը և Մուտքի արձանագրությունները։
Արվել են նաև 2007 թ. Ֆրանսիայում «Հայաստանի տարվա» շրջանակներում Մատենադարանի ներկայացնելիք 3 ցուցահանդեսների նախապատրաստական աշխատանքները։


ԴԻՎԱՆԱԿԱՆ ՎԱՎԵՐԱԳՐԵԻ ԲԱԺԻՆ
(վարիչ՝ Ջ. Սահակյան)

2006 թ. Արխիվային բաժինը ստացել է նոր վավերագրեր, որոնք գրանցվել և տեղադրվել են համապատասխան թղթապանակներում։
Ստուգվել և վերադասավորվել է կաթողիկոսական  դիվանի 6 թղթապանակներ (մոտ 900 վավերագիր), որոնցից առանձնացվել է վերանորոգման խիստ կարիք ունեցող 50 վավերագիր։ Վերանորոգվել է 30-ը։ Սպասարկել են 35 գիտաշխատողների՝ 1200 վավերագիր։
Բաժնի վարիչը հրատարակության է պատրաստել Ալպոյաճյանի «Հայ դպրոցի պատմության» II հատորի Ա մասը։
Վերահամարակվել և թվայնացվել է Կարստի ամբողջ արխիվը (մոտ 8000 լուսանկար)։
Գ. Ղազարյանը զբաղվել է Ն. Բյուզանդացու նամակների հրատարակությամբ, իսկ Վ. Աբգարյանը՝ Կարստի «Միջին հայերենի բառարանի» վրա է աշխատել։


ՁԵՌԱԳՐԵՐԻ ՀԻԳԻԵՆԱՅԻ ԵՎ ՎԵՐԱՆՈՐՈԳՄԱՆ ԲԱԺԻՆ
(վարիչ՝ Գ. Էլիազյան)

Հաշվետու տարում բաժինը կատարել է ձեռագրական և տպագիր ֆոնդերի պահպանման և վերականգման ուղղությամբ հետևյալ աշխատանքները.

Վերանորոգված է 8536 թերթ, այդ թվում.
Թղթյա ձեռագրեր - 1531 թերթ
Մագաղաթյա ձեռագրեր - 1000 թերթ
Վավերագրեր - 465 թերթ
Հնատիպ գրքեր - 5600 թերթ
Հմայիլներ - 20 մ

Կատարվել է 80 նոր ստացված ձեռագրերի և հնատիպ գրքերի ախտահանում և փոշեհանում։
Մշակվել է 1500 թերթ թթվակեր ձեռագիր։ Կատարվել է 40 մանրանկարների ներկերի ամրացում։
Նորոգվել և կազմվել է 13 հնատիպ գիրք, 13 ձեռագիր։ Ընթերցասրահից և գրադարանից վերանորոգվել է 293 գիրք։
Շարունակվել է Փարիզում կայանալիք ցուցահանդես տարվող ձեռագրերի մասնակի նորոգումներ, այդ թվում Հաղպատի և Էջմիածնի Ավետարանները։ Նշված աշխատանքների ընթացքը ապահովելու համար անհրաժեշտ նյութերի ձեռքբերումը հնարավոր եղավ «Մատենադարանի բարեկամների հիմնադրամի» և տնօրինության աջակցությամբ։
Վերանորոգվեց 16 արծաթյա ձեռագիր կազմ՝ պրոֆ. Շտեհլեի կողմից։
Տպագրվել է հոդված գերմանական «Բյուլետին» ամսագրում և ընդունվել են 3 միջազգային կոնֆերանսների զեկուցման թեզիսներ (Մոսկվա, Միլան և Վիեննա)։
Շարունակվում է համագործակցությունը Գետտի Հիմնադրամի հետ՝ թղթերի թթվակերության հետ պայքարի նոր առավել արդյունավետ ուղիներ գտնելու ուղղությամբ։


ԼՈՒՍԱՆԿԱՐՉԱԿԱՆ ԼԱԲՈՐԱՏՈՐԻԱ
(վարիչ՝ Ս. Ագրամանյան)

2006 թ. լաբորատորիան պատրաստել է 1580 ձեռագրերի և 368 վավերագրերի լուսանկարներ։


ՀԱՄԱԿԱՐԳՉԱՅԻՆ ԲԱԺԻՆ
(վարիչ՝ Ն. Բարթիկյան)

Բաժինը հրատարակության է պատրաստել մի շարք գրքեր՝ «Մայր ցուցակի» III, IV հատորները, «Բանբեր Մատենադարանի» հերթական 17-րդ հատորը, Լևոն Խաչիկյանի «Աշխատություններ»ի III հատորը և այլն։